پاورپوینت کامل مقتل یازیچی سی مرحوم «مراغه لی ملاحسین دخیل» ۲۴ اسلاید در PowerPoint

توجه : این فایل به صورت فایل power point (پاور پوینت) ارائه میگردد

 پاورپوینت کامل مقتل یازیچی سی مرحوم «مراغه لی ملاحسین دخیل» ۲۴ اسلاید در PowerPoint دارای ۲۴ اسلاید می باشد و دارای تنظیمات کامل در PowerPoint می باشد و آماده ارائه یا چاپ است

شما با استفاده ازاین پاورپوینت میتوانید یک ارائه بسیارعالی و با شکوهی داشته باشید و همه حاضرین با اشتیاق به مطالب شما گوش خواهند داد.

لطفا نگران مطالب داخل پاورپوینت نباشید، مطالب داخل اسلاید ها بسیار ساده و قابل درک برای شما می باشد، ما عالی بودن این فایل رو تضمین می کنیم.

توجه : در صورت  مشاهده  بهم ریختگی احتمالی در متون زیر ،دلیل ان کپی کردن این مطالب از داخل فایل می باشد و در فایل اصلی پاورپوینت کامل مقتل یازیچی سی مرحوم «مراغه لی ملاحسین دخیل» ۲۴ اسلاید در PowerPoint،به هیچ وجه بهم ریختگی وجود ندارد

---

بخشی از متن پاورپوینت کامل مقتل یازیچی سی مرحوم «مراغه لی ملاحسین دخیل» ۲۴ اسلاید در PowerPoint :

۵۴

کربلا حادثه سینی نظم و نثر شکیلده یازانلاردان بیری ده ماراغه لی ملاحسین دخیل اولموشدور. ملاحسین دخیل ده ملامحمدفضولی کیمی «دخیل» آدلی مقتلینی نظم و نثر ایله قاریشیق یازمیشدیر. شعرلری تمامیله اؤزونوندور.

مراغه لی ملاحسین دخیل، مرثیه ادبیاتی نین بؤیوک استادلاریندان دیر. کربلا حادثه سینی ۷ جیلدده «دخیل» آدی ایله یازمیشدیر.

«ملاحسین دخیل»ین شعرلری یوکسک سویه ده اولدوغو حالدا، چوخ ساده اوره گه یاتان و آخیجی دیر. او، یازدیغی بیر شعرده کربلا مئیدانینی بئله نظمه چکمیشدیر:

بوه نه گولشن چشمه ساری جوی خون

نوجوانلار نعشی، سرو واژگون

قانه باتمیش طره لر دیر سونبولو

پنبه ی داغ جراحت دیر گولو

بیر طرف گوللر تمام اولموش خزان

بیر طرف مبهوت دورموش باغبان

بیر طرف بی همّ اسه ر باد سموم

بیر طرف زاغ و زغن ائیله ر هجوم

قدسیان اول گولشنه حیران هامی

وادی حیرتده سرگردان هامی

بیربئله گولشنده آغلار بولبولو

قان ایچینده تربیت تاپمیش گولو

ائتدیلر دقتله چون هریان نظر

گؤردولر آچمیش زبان، سوسن دئیه ر:

بو چمن دیر بوستان کربلا

مقتل پیر و جوان کربلا

بیر طرف قان ایچره یاتمیش بیر جوان

حلق پاکینده اولور آل قان روان

آشیان مرغ پیکان پیکری

پای تا سر زخم، جسم انوری

بس کی ده یمیش تیر و خنجر آبدار

هر سر مویی آچیب بیر چشمه سار

ام لیلانین علی اکبری

کربلا سرداری نین گول پیکری

گؤردولر بیر یاندا دوشموش خوار و زار

بیر اوجا قامتلی قولسوز شهریار

بس کی جسمیندن اولوب هر یان روان

کوه و صحرانی ائدیب دریای قان

کیمدی یاران اول غریب ناامید

تشنه لر سقاسی عباس شهید

ملاحسین دخیل ین یازدیغی مقتل ۷ جیلدده توپلانمیشسادا، آنجاق بوگون بیزیم الیمیزده اولان «کلیات دخیل» آدلی مقتلی مکمل دگیلدیر

بونا گؤره ده بیز، ملاحسین دخیل ین مرثیه ادبیاتی ساحه سینده کی باجاریق و رولونو، مکمل شکیلده عکس ائتدیره بیلمه ییریک. اونون صحنه سازلیغی نه قده ر گئنیش، گوجلو و رنگارنگ اولورسادا، گیریزلری و قوشدوغو رجزلر ایسه او قده ر هیجانلاندیریجی و حماسه لی دیر.

اؤرنک اولاراق بحر طویل فورماسیندا علی اکبرین دیلینجه یازدیغی رجزلره دقت یئتیره ک:

«بیلین ای لشگر کفار، بدطینت و بدفطرت و بی غیرت و بی عار، جفاجوی جفاکار، خطادیده، خطاکار؛ منم شبه پیمبر، منم نایب حیدر، منم مثل غضنفر، منم صاحب خنجر؛ بیر جوانم کی وجاهت ده، صلابت ده، سخاوت ده، ملاحت ده، طراوت ده، طلاقت ده، لطافت ده، نجابت ده، منه یوخدو برابر؛ نه نبی و نه ولی و نه نقیب و نه نجیب و نه فلک ده ملک مهر و مه انجم.»

و یا بو شعر دقت ائده ک:

سیزده اگر یزید بداختر نشانی وار

گوندن ایشیق دیر بیزده پیمبر نشانی وار

من نایب حسین و حسین وارث علی

منده حسین و حیدر و صفدر نشانی وار

واردیر آتام حسین ده چون صورت علی

ائتسه قبول منده ده قنبر نشانی وار

اولماز حریف کیمسه منه، منده بی خلاف

عباس نامدار دلاور نشانی وار.

ملاحسین دخیل ین شعرلرینه دقت یئتیردیکده اونون سون درجه ده قدرتلی اولدوغدونو گؤروروک. شعرلری آخیجی و روان اولدوغدو حالدا، بدیعیات صنعتلری چوخ مهارتله اؤز یئرینده ایشلنمیشدیر. او، اوره گی نین سؤزونو چوخ راحات و آسان شکیلده شعر دیلی ایله بیان ائده بیلمیشدیر. مختلف ادبی صنعتلردن فایدالانیب چوخ درین مضمونلو شعرلر یاراتمیشدیر. تشبیه، مبالغه و غلو صنعتیندن چوخ باجاریقلا استفاده ائتمیشدیر. مثال اوچون حضرت ابوالفضل علیه السلام حاققیندا سؤیله دیگی بیر مدحیه نی بورادا درج ائدیریک:

چکردی نعره لر شیر ژیان تک

یئتیب کفاره مرگ ناگهان تک

ائده ردی حمله لر مانند حیدر

دولانیردی یئر اوسته آسمان تک

تؤکولدو جسملر خاکه، قالیب روح

خزاندا خالی قالمیش آشیان تک

داغیتدی لشگری هر سمته حیران

بعینه یول ایتیرمیش کاروان تک

الینده تیغ، چیگنینده سو مشکی

آخار قان هریانا آب روان تک